健康新聞

 

【肝功能可以逆轉嗎？】

 

之前嘅分享提及，肝功能同肝癌治療嘅選擇、成效息息相關。肝癌患者可能會問，有辦法改善肝功能嗎？咁就要視乎究竟係咩因素導致肝功能下降。

 

舉例講，如果患者嘅肝功能下降源於乙型肝炎或丙型肝炎，佢哋就可以透過藥物控制肝炎病毒，從而改善肝功能；如果係因為服用肝臟排出嘅藥物而導致肝功能下降，就可以同醫生商量考慮減少劑量或停藥。

 

值得一提嘅係，唔少肝癌患者嘅膽管都被腫瘤閉塞，肝功能於是急性變差，呢類患者就可以透過介入治療同植入支架，打通返閉塞咗嘅膽管，以改善肝功能。

 

患者亦要避免做啲會傷害肝臟嘅事，例如飲酒、服用過量撲熱息痛等等。

 

#肝明之旅 #肝癌 #肝功能 #乙型肝炎 #丙型肝炎 #膽管閉塞 #與我何肝

 

吳劍邦醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫生查詢。